就如最後的相聚

31 Oct 07
~快要開學喇！好緊張呀，因為我要擔任ＭＣ一職，要凖備草稿及好多學校資料。想不到入職不到一個月就要擔起重任，代表學校向所有新生、家長致詞，好驚會出錯呀，只好膽顫心驚咁完成第一份工作啦！草稿寫了多次，資料也找了 不小，但一點信心也沒有，點算好呀？好彩有一位舊生（天才小廚師）幫我，還送了一份很特別的禮物鼓厲我tim（多謝你呀）。所有資料巳凖備好了，草稿也練習了多次，自然信心大增啦。“突然好想快Ｄ到果日呀”說時慢那時快，好快就到開學前一日，唉！死啦！點算呀？緊張緊張緊張.......不能入睡，個腦只有緊張兩個字，台詞完全忘了， 只好不停對自己講放鬆、放鬆......不知不覺好快就瞓著。一睜開眼就要返工喇！多天嘅練習一睜開眼就忘記得一乾二淨，時間巳經5容許我慢慢練習喇，只好用車上時間盡量記住啦。話咁快就到了學校，同學仔都一一到齊，當我進入班房時手腳都不停顫抖，但也要裝作冷靜，用力心呼吸，一口氣將所有要做的事做完，點名、介紹學校等...忙了一個早上終於完成了我的任務，輕鬆晒，原來都無我想像中咁難啫，過程中仲有好多好笑嘅事tim。哈哈！今次係我一個好難得嘅經驗。~

回想起當天嘅情景還歷歷在目，轉眼間巳差不多半年前的事了，由他們的名字也記得不清楚，到現在成為好朋友，這幾個月裡難忘的事真的有很多，明天他們就去實習了，雖然只是去實習，但巳依依不捨，因為大家都5知兩個月後會變成點，會5會仲好似之前咁日日見面呢？所以我哋就約咗去唱Ｋ，這一晚之後大家就各散東西喇，不過點都好啦，無論以後發生咩事大家都係好朋友就ＯＫ啦！記住返嚟考試呀！5好浪費之前的時間同金錢呀！知道麻？各位囝囝

長洲之旅

上星期三、四、五同學校去長洲渡假，一共租咗十五間屋，一百二十幾人同一只狗，差5多成個東提都比我哋住晒，bu bu就開心啦咁多人同佢玩，個個Ｄ注目都喺佢身上。

第一日同Class C 嘅同學去咗出面大排擋食晚飯，之後佢哋去釣魚我都5識釣所以就去咗Class G問屋度玩，玩玩吓亞橙題意去食糖水，咁我哋就出咗去喇，行到好遠先到糖水鋪，不過我哋去到嘅時候巳經關門，只好外買去碼頭食啦！我買咗個．．．我都5記得係咩黎，Ｄ味道都可以啦！去到碼頭見到Class C & D嘅同學佢哋喺度釣緊魚，食完之後就同佢哋一齊行返入去，原本想去佢哋度飲酒，不過最後等Miss Lo 等到瞓咗教，小bu同我成日不停走黎走去，差不多成個長洲都走均晒，所以我哋都好攰，最後一齊瞓咗，就係咁過咗第一晚喇。

第二日一早同亞葉佢哋去飲茶，（小bu都有去）飲完茶之後我哋就返入去，喺途中仲見到一班喪屍，（真係好似喪屍）跟住我就同小bu返咗自己嘅渡假屋度瞓咗一陣，大約十二點幾嘅時候Ｄ學生不停拍門，有Ｄ上黎沖涼，有Ｄ話要借鎖匙，攪到我都瞓5到，去到一點左右就醒咗，無無聊聊咁走咗去Class C 其中一間屋度，佢哋玩緊大富翁我就陪佢哋玩好無聊呀！！！兩點喇要去沙灘凖備一陣嘅活動，兩點零二分Ｄ學生巳經等緊我，佢哋話我遲到，你哋就開心啫又有得玩，我就要開始工作，遲幾分鐘都話我，其它人仲遲啦，真激氣，之後小bu仲要攪破壞，咬爛亞仔個排球，好鬼失禮呀！！！之後因為我遲咗幾分鐘就要比人玩，要我哋“逗”快飲可樂，好慘呀！一輪嘅歡笑聲就完咗幾小時嘅活動，總算ＯＫ，整完Ｄ手尾我就同兩個學生、Miss Lo打麻雀，本來都5想打㗎喇，不過當打發吓時間啦，一陣麻雀聲吓我就無咗104蚊，我都話5打㗎啦：（ 不過好彩Class D 學生請我食麻辣火煱，好好食呀！跟住仲同咗9個男仔去張寶仔洞務險，三日裡面最好玩都係呢個節目，我第一次去咋，以前聽我Ｄ firend講張寶仔洞好多鬼怪嘅事㗎，我好驚呀不過又好想去喎，所以我就跟咗佢哋去喇，我哋一步一步咁接近張寶仔洞，越近我就越驚，佢哋仲要一路行一路講Ｄ古靈精怪嘅嘢，仲話自己有陰陽眼tim呀，想赫死人咩？赫到我有Ｄ5想去，仲要喺山腳度突然有個亞伯閃出黎同我哋講一Ｄ無人明嘅語言，真係赫咗我一跳，我哋無理佢繼續行，之後經過一段好長嘅山路先到洞口，我驚到不停話5好入去啦，但係最後當然有入去啦！入面好“札”肥小小都行5到，好彩我哋十個人都好瘦啫，不過裡面真係好恐怖呀！好黑，我真係好驚呀！經過一條九曲十三彎又上又落又“札”嘅通道終於出到洞嘅另一邊喇。其實都無乜嘢啫，行完之後個個都安全出返黎，仲去埋五行石tim，喺中途又有一個洞，陰陽眼問我哋係咪真係入去呀，我哋緊係話去啦，都行到咯。個洞只不過係個普通嘅洞黎啫，無乜特別呀，扮晒緊張想赫我哋呀？經過個洞之後無耐就到五行石喇，不過都無乜特別，可能太黑所以睇5到啦，行完之後我哋就揾路返落去喇，一路上陰陽眼話喺果個無乜特嘅洞裡面好嘈好多“人”又話見到亞然穿過咗個”人”仲話亞達喺士多度坐住...好得人驚呀！諗返起都幾驚，好彩行緊張寶仔洞嘅時候亞釗喺我前面仲比我捉到佢只手好實tim“佢就開心啦”不過我哋覺得5夠激，返到去仲要租鬼戲睇tim，一班人喺一張床上面睇鬼片，好好玩呀！不知不覺睇到三點幾，好眼瞓，但係無地方瞓，好彩亞達佢哋肯收留我同小bu咋。早抖喇bu bu！

凖備咗半年嘅活動，咁快就到最後一日喇，最後一次集合，點完名長洲之旅就完結喇，真係有Ｄ5捨得！bay bay 喇長洲...
我都未有時間感觸，就比我兩個老細足住．．．算啦！我仲想踩吓單車tim，結果咩都無做，剩係同佢哋飲咗餐茶就一齊搭船離開長洲喇，今次真係要同長洲講再見喇，下次再黎過啦。（不過5知會5會再有機會咁多人一齊玩呢！）

﹣ END﹣

踩單車

19 Ｏct 07
今日去咗踩單車，今次係我第二次踩單車，我終於可以避開Ｄ障礙物喇，不過都炒咗幾次車，仲要其他人等我一個，勁5好意思，本來都玩得好開心㗎，第一次感覺到踩單車嘅樂趣，好自由、好舒服呀，不過後來覺得自己好無用，真係好醜怪呀！自己5識踩又要叫人去踩，仲要佢哋不停照顧我一個，佢哋都要拍拖無可能照顧得我太多，突然覺得咗住佢哋，又覺得自己好無用、好孤單，仲要盪失路，龜仔同相魚返轉頭揾咗我幾次呀，真係好醜，去到交車嘅時候我仲咸咗出黎tim，對5住呀各位，我無心令你哋掃興㗎，只不過．．．5得我要練好Ｄ下次5洗你哋再照顧我。其實我今次玩得好開心㗎，多謝相魚不停照顧我，咗住你同表妹sorry呀！不過希望你哋5好覺得我係負累啦∼

病了的週末

今日帶著病的身體返公司，自己一個人好攰，食完藥之後好眼瞓，1：00仲要開會，等等等．．．到咗十一點幾joe sir 攪錯了開會時間，終於有人同我講吓嘢喇，但佢知道攪錯時間之後就走咗喇，又得返我一個人，Ｄ時間好難過呀。等到差不多十二點佢哋先返黎，仲以為可以快Ｄ開會啦，點知有個同事遲咗半個鐘先返，又要等．．．最後一點半先可以開會，我個魂魄巳經5知去咗邊，無晒反應5知佢哋講緊咩，到咗兩點半終於開完會，可以返屋企喇，我將今日嘅約會全都推晒，返到屋企食完藥就瞓，一瞓就瞓到九點幾又要食藥，好慘呀！！！想快Ｄ好返唯有咁啦：（

病倒了

今日病倒了，沒有上班，一個人留在家中很悶，很辛苦全身無力，希望早點病好可以出街，時間就可以快Ｄ過。我又要倒數喇，倒數下一個假期，倒數聖誕節，倒數新年，月曆都就快給我番爛了，只好靜待著時間的流逝。

寂寞還是自由

有時候孤獨可以寂寞，也可以是自由∼∼∼我記得好多年前他同我講過這一句明言，之後每一次當我覺得孤獨嘅時候總不自覺地想起這一句，今天又再想起了。寂寞．．．自由．．．在這數月裡這兩個詞語在我心裡不停盤旋，究竟我是寂寞還是自由呢？

這一年對我來說是人生最大變化的一年，身邊的朋友，自己也轉變了不小，由工作到生活，我從沒想過我可以自己一個人生活，因為我是一個寂寞難耐的人， 所以寂寞這兩個字在這幾個月來常常出現在我心裡，還好的是我有一班很關心我的朋友，在這段日子裡讓我不覺得孤單，就是這樣讓我知道寂寞也可以很精彩。

今天回到沒有人的空間，很寧靜，他好像沒有回來似的．．． 今天如常放工返到屋企，沒有了他覺得很孤獨，我在等他的電話，很想快些知道他巳安全到達，但當這個電話響起的時候，我心裡有一種難以形容的感覺，很想他還在我身邊。雖然在這一年裡離離合合在我身邊發生了很多，我和他也不只一次，也應該習慣，但是．．．．．不過他也說過人生就是這樣的，沒有改變人生那會精彩，希望時間過得快Ｄ啦！“祈待著你回來的日子”

盡情的一天

好耐未試過玩得咁開心喇，今日有一個學生要走了，佢哋請我去同佢farewell ，雖然我同佢哋巳相處咗一段日子，但係都5係好熟，我哋嘅對話多數都係早晨、放學喇、bye-bye等，無想過經過今次嘅farewell meeting可以拉近我哋嘅距離，仲好好玩ＴＩＭ，今次係呢幾個月最開心嘅一個party，可能我好耐無出黎玩過啦，返工放工...所以今日覺得突別好玩，又多咗一班朋友喇！哈哈...希望大家可以成為好朋友啦！！！

又再一個人工作了

昨天開始又只得我一個人工作了，雖然和他們工作的時間很短，但巳有很多開心和不快的事。第一天知道他們會來的時候，我心想好了，可以減輕我的工作了，還有一個月他們才上班，但我巳開始凖備他們的工作，這時候我在想，在這個暑假我會同怎樣的同事工作呢？我可以和他們相處得來嗎？有很多很多人際關係上的問題在我腦海湧現。終放到他們上班的第一天了，兩男兩女，跟我學習的叫琪琪，她很高，很瘦黑蚊蚊的膚色，看來他們都不是太難相處啫，尤其叫亞ＨＯ的男仔，看起來很有修養也很純品，“很有修養”這時候又有新的問題湧現在我腦海中，我教他們？可以麻？不過這時候不是想這些了，只要做好自己本份就好了，想也沒想得及巳忙忙碌碌地過了這一天。之後我和他們只是很普通的同事關係，直到有一天小bu病了，我請了半天假帶他看醫生，回到公司說起時不禁流淚，Maggie和琪琪前來安慰，就是這事我們熟絡了，我知道他們對學校巳沒有了信心，尤其亞Joe，我對亞Joe一早巳有了壞印像，他給我的感覺是不可一世的少爺仔般（好討厭呀！）他還將我和他的工作作比較，雖然我知他比較的對像不是我，但我也很不是味兒，因他對我們的態度很差，更有一次因工作上的問題和他不和，不過這巳是過去了，之後我和他也沒有將這件事放在心，其實在這段日子裡就只得這最不快的事，但開心的事說也說不完。有一早上沒有特別工作，無無聊聊地和Maggie閒談，她正在看著琪琪的blog不知不覺我偷看了（我知道是不對的）sorry呀琪琪！不過真的好好笑“唷”哈哈！我和Maggie笑了一整天，這是我和Maggie的秘密。又有一次我看見琪琪在打睡，我正想嚇她一跳的時候，Wong sir突然大叫婷婷！！立刻把睡夢中的琪琪嚇醒了，她那時的樣子我現在想起也會笑哈哈！還有很多的笑料“唷”希望你們可順利畢業啦！