生日快樂!!!

生日真的快樂嗎？小時候生日即是代表又有蛋糕吃了真的很快樂，每一年也祈待著這天的來臨，但現在也許是悲哀，每年生日慶祝的時候也是remind自己大了一歳的時候，長大了快樂真的減少了，節日到了也沒有特別興奮的感覺，這也是直得高興的現象，代表著長大，不再孩子氣，也許是快樂的事吧！無論如何生日或節日也是一件直得慶祝的事，希望各位的大日子也有我這篇文章裡出現過的開心感覺啦！

寒冷的冬天

這年的冬天特別寒冷，對我來說更是寒冷，我的身體不由自主的抖震，天氣為何這麼凍？冷風是從何吹來的？有誰告訴我？冷風何時才離開我？温暖的太陽在那裡？是否在遠處等待著我？在那裡？

打blog

一路我都好想完成之前喺草稿度嘅文章，今日我終於算係完成咗一半喇，我個blog終於有兩頁紙喇！嘻... 不過而家好攰好眼瞓，但係仲好想繼續打落去好似傻咗咁。
其實要認真咁打一篇文章真係需要好多時間㗎，打黎打去都打5完，打完又改，最慘就係過咗氣之後先打，又要諗返當時嘅感覺同發生嘅細節，日日打又無咁多時間，所以我今日要盡量完成，希望得啦，不過5知係咪太夜嘅關係呢，想打嘅字都諗5起點寫，我諗我都係要体息一吓。下次再同大家分享我嘅雲妮的生活日誌啦！
呢一篇嘢只不過係因為我打咗成晚blog，打到傻咗而發表嘅 (好無聊，好鬼悶呀!!!)

温馨日誌

2007年12月20日是我們第一次一家人去旅行的日子，可能對一般家庭來說是一件很平常的事，但對於我們來說這次是很難得的機會，我們去過最遠的地方也只是長洲，所以我請了幾天大假凖備出發。因為要在二十號的清晨五時到達機場，所以我們一家集合在柴灣。一大清早就要出發，個個也没睡醒更要乘車到機場了，辦了一倫證機手續終於上機了。在出發時我沒有特別的心情，可能我不只一次到這個地方啦，但到了泰國的時候突然感到很興奮，這種感覺就像小孩子可以到遊樂場玩過痛快的感覺，尤其在我家人身邊，我更加變得像小孩。很温暖，泰國真的很温暖，相比香港那時的温度實在是太大差距，一到步就要將凍天的裝束換成了夏天的衣服，在機楊繞揚了一段時間，我們就前往車站開始旅途，但機場也沒離開我們一家巳不見了領隊，蹉跎了數分鐘終於找到了，真的不好意思要十多人等我們，但他們也沒有責怪，（人哋心裡巳閙咗我哋一大餐喇＝＝）之後就真正出發到我們的第一個景點遊樂園，一到步就要到處玩，直到晚上十一時多才能回到酒店，累得要死！第二日又要一早起床，唉...之後幾天也要這樣，真的很累，相比自由行簡直是天堂地獄之分，不過話雖如此但也很充實，沒有錯過每一分一秒，玩.....旅行的目的就是玩，所以我也很享受這個旅程，而且這次的導遊很有趣令我們增添不小的歡樂，景點亦是自由行去不到的地方，因此巳忘了累的感覺，今次還到了我想去了很久的地方大象樂園還有最深刻的跳降傘、動物園等...在導遊講解下我對泰國的文化也認識了不小。這個旅程令我體會到家庭樂的感覺！^^
*今次泰國之旅在平安夜12月24日結束

執子之手，與子偕老

唉！好耐無寫過blog 喇，今次我想講比大家知嘅就係一段喺幾個月前睇嘅新聞，我睇完之後覺得好羨募所以想同大家分享吓，一對由兩歳手拖手拖到七十九歳嘅老夫妻今年巳經互相扶持咗六十年，喺中途大家因二次大戰而失去聯絡，但亦無變心，而且大家都係大家嘅初戀情人真係幸褔！！！雖然我很想有一段這樣的愛情，但我很想問他們不會生厭嗎？

就如最後的相聚

31 Oct 07
~快要開學喇！好緊張呀，因為我要擔任ＭＣ一職，要凖備草稿及好多學校資料。想不到入職不到一個月就要擔起重任，代表學校向所有新生、家長致詞，好驚會出錯呀，只好膽顫心驚咁完成第一份工作啦！草稿寫了多次，資料也找了 不小，但一點信心也沒有，點算好呀？好彩有一位舊生（天才小廚師）幫我，還送了一份很特別的禮物鼓厲我tim（多謝你呀）。所有資料巳凖備好了，草稿也練習了多次，自然信心大增啦。“突然好想快Ｄ到果日呀”說時慢那時快，好快就到開學前一日，唉！死啦！點算呀？緊張緊張緊張.......不能入睡，個腦只有緊張兩個字，台詞完全忘了， 只好不停對自己講放鬆、放鬆......不知不覺好快就瞓著。一睜開眼就要返工喇！多天嘅練習一睜開眼就忘記得一乾二淨，時間巳經5容許我慢慢練習喇，只好用車上時間盡量記住啦。話咁快就到了學校，同學仔都一一到齊，當我進入班房時手腳都不停顫抖，但也要裝作冷靜，用力心呼吸，一口氣將所有要做的事做完，點名、介紹學校等...忙了一個早上終於完成了我的任務，輕鬆晒，原來都無我想像中咁難啫，過程中仲有好多好笑嘅事tim。哈哈！今次係我一個好難得嘅經驗。~

回想起當天嘅情景還歷歷在目，轉眼間巳差不多半年前的事了，由他們的名字也記得不清楚，到現在成為好朋友，這幾個月裡難忘的事真的有很多，明天他們就去實習了，雖然只是去實習，但巳依依不捨，因為大家都5知兩個月後會變成點，會5會仲好似之前咁日日見面呢？所以我哋就約咗去唱Ｋ，這一晚之後大家就各散東西喇，不過點都好啦，無論以後發生咩事大家都係好朋友就ＯＫ啦！記住返嚟考試呀！5好浪費之前的時間同金錢呀！知道麻？各位囝囝

長洲之旅

上星期三、四、五同學校去長洲渡假，一共租咗十五間屋，一百二十幾人同一只狗，差5多成個東提都比我哋住晒，bu bu就開心啦咁多人同佢玩，個個Ｄ注目都喺佢身上。

第一日同Class C 嘅同學去咗出面大排擋食晚飯，之後佢哋去釣魚我都5識釣所以就去咗Class G問屋度玩，玩玩吓亞橙題意去食糖水，咁我哋就出咗去喇，行到好遠先到糖水鋪，不過我哋去到嘅時候巳經關門，只好外買去碼頭食啦！我買咗個．．．我都5記得係咩黎，Ｄ味道都可以啦！去到碼頭見到Class C & D嘅同學佢哋喺度釣緊魚，食完之後就同佢哋一齊行返入去，原本想去佢哋度飲酒，不過最後等Miss Lo 等到瞓咗教，小bu同我成日不停走黎走去，差不多成個長洲都走均晒，所以我哋都好攰，最後一齊瞓咗，就係咁過咗第一晚喇。

第二日一早同亞葉佢哋去飲茶，（小bu都有去）飲完茶之後我哋就返入去，喺途中仲見到一班喪屍，（真係好似喪屍）跟住我就同小bu返咗自己嘅渡假屋度瞓咗一陣，大約十二點幾嘅時候Ｄ學生不停拍門，有Ｄ上黎沖涼，有Ｄ話要借鎖匙，攪到我都瞓5到，去到一點左右就醒咗，無無聊聊咁走咗去Class C 其中一間屋度，佢哋玩緊大富翁我就陪佢哋玩好無聊呀！！！兩點喇要去沙灘凖備一陣嘅活動，兩點零二分Ｄ學生巳經等緊我，佢哋話我遲到，你哋就開心啫又有得玩，我就要開始工作，遲幾分鐘都話我，其它人仲遲啦，真激氣，之後小bu仲要攪破壞，咬爛亞仔個排球，好鬼失禮呀！！！之後因為我遲咗幾分鐘就要比人玩，要我哋“逗”快飲可樂，好慘呀！一輪嘅歡笑聲就完咗幾小時嘅活動，總算ＯＫ，整完Ｄ手尾我就同兩個學生、Miss Lo打麻雀，本來都5想打㗎喇，不過當打發吓時間啦，一陣麻雀聲吓我就無咗104蚊，我都話5打㗎啦：（ 不過好彩Class D 學生請我食麻辣火煱，好好食呀！跟住仲同咗9個男仔去張寶仔洞務險，三日裡面最好玩都係呢個節目，我第一次去咋，以前聽我Ｄ firend講張寶仔洞好多鬼怪嘅事㗎，我好驚呀不過又好想去喎，所以我就跟咗佢哋去喇，我哋一步一步咁接近張寶仔洞，越近我就越驚，佢哋仲要一路行一路講Ｄ古靈精怪嘅嘢，仲話自己有陰陽眼tim呀，想赫死人咩？赫到我有Ｄ5想去，仲要喺山腳度突然有個亞伯閃出黎同我哋講一Ｄ無人明嘅語言，真係赫咗我一跳，我哋無理佢繼續行，之後經過一段好長嘅山路先到洞口，我驚到不停話5好入去啦，但係最後當然有入去啦！入面好“札”肥小小都行5到，好彩我哋十個人都好瘦啫，不過裡面真係好恐怖呀！好黑，我真係好驚呀！經過一條九曲十三彎又上又落又“札”嘅通道終於出到洞嘅另一邊喇。其實都無乜嘢啫，行完之後個個都安全出返黎，仲去埋五行石tim，喺中途又有一個洞，陰陽眼問我哋係咪真係入去呀，我哋緊係話去啦，都行到咯。個洞只不過係個普通嘅洞黎啫，無乜特別呀，扮晒緊張想赫我哋呀？經過個洞之後無耐就到五行石喇，不過都無乜特別，可能太黑所以睇5到啦，行完之後我哋就揾路返落去喇，一路上陰陽眼話喺果個無乜特嘅洞裡面好嘈好多“人”又話見到亞然穿過咗個”人”仲話亞達喺士多度坐住...好得人驚呀！諗返起都幾驚，好彩行緊張寶仔洞嘅時候亞釗喺我前面仲比我捉到佢只手好實tim“佢就開心啦”不過我哋覺得5夠激，返到去仲要租鬼戲睇tim，一班人喺一張床上面睇鬼片，好好玩呀！不知不覺睇到三點幾，好眼瞓，但係無地方瞓，好彩亞達佢哋肯收留我同小bu咋。早抖喇bu bu！

凖備咗半年嘅活動，咁快就到最後一日喇，最後一次集合，點完名長洲之旅就完結喇，真係有Ｄ5捨得！bay bay 喇長洲...
我都未有時間感觸，就比我兩個老細足住．．．算啦！我仲想踩吓單車tim，結果咩都無做，剩係同佢哋飲咗餐茶就一齊搭船離開長洲喇，今次真係要同長洲講再見喇，下次再黎過啦。（不過5知會5會再有機會咁多人一齊玩呢！）

﹣ END﹣